У Мінску хлопец, спрабуючы давесці сваю праўду, пашкодзіў два аўто
У Мінску 19-гадовы студэнт затрыманы за здзяйсненне хуліганскіх дзеянняў, паведамляе сталічная міліцыя.
Каля 3 гадзін ночы двое маладых людзей у стане алкагольнага ап'янення знаходзіліся ў двары шматкватэрнага дома. Падчас размовы адзін з хлопцаў, тлумачачы свой пункт гледжання на павышаных танах, стаў біць прыпаркаваныя на стаянцы транспартныя сродкі. Уладальнік аднаго з аўтамабіляў, прачнуўшыся ад крыкаў маладых людзей, звярнуўся ў міліцыю.
Супрацоўнікі міліцыі адразу выехалі на месца здарэння і затрымалі маладзёна.
У адной машыне было пашкоджана лабавое шкло і дзверы кіроўцы, у другой — заднія пасажырскія дзверы.
Вядома, што шкоду ўладальнікам аўтамабіляў малады чалавек ужо кампенсаваў.
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае6
Каментары