Нацыянальны статыстычны камітэт Беларусі падсумаваў вынікі 2008 году.
Нацыянальны статыстычны камітэт Беларусі падсумаваў вынікі 2008 году.Беларусаў пераконваюць: мы сталі жыць яшчэ лепш.
За 2008 год рэальныя даходы насельніцтва павялічыліся на 12%. У суседняй Расіі увогуле змяншэнне – на 5%.
Расклад па абласцях падкрэслівае істотную перавагу Мінску над рэгіёнамі. Мінчанін зарабляў амаль удвая больш за жыхара Брэстчыны. Тым не менш па тэмпах росту заробкаў сталіца адставала ад рэгіёнаў – усяго 8%.
Калі ацэньваць заробкі па галінах эканомікі, можна зразумець, што лепш за ўсіх павінны жыць супрацоўнікі авіяцыйнага транспарту (1 млн 437 тыс). Горш за ўсё плацяць у сельскай гаспадарцы (563 тыс.), сацыяльным забеспячэнні (544 тыс.) і адукацыі (630 тыс.)
Адкуль, акрамя зарплаты, атрымліваюць свае даходы беларусы і на што трацяць?
Стыпендыі з пенсіямі – гэта 20% ад атрыманых грошай. Адсоткі па дэпазітах і дывідэнды складаюць увогуле усяго 2% ад набытку людзей.
Асноўны артыкул расходаў – харчаванне. Чым меншы адсотак прыходзіцца траціць на ежу, чым больш развітай лічыцца эканоміка. Беларусы ж аддаюць менш за палову – 41,2%.
Калі прааналізаваць астатнія расходы, атрымліваюцца цікавыя высновы. За алкаголь і тытунь (37000) ў месяц сярэднястатыстычная беларуская сям’я плаціць больш, чым за сваё здароўе (33000). У вёсцы яшчэ горш. На адукацыю, культуру і адпачынак у сельскай мясцовасці агулам траціцца 22 тыс. у месяц. На алкаголь больш.
Кожная трэцяя сям’я мае аўтамабіль. Столькі ж у краіне і кампутараў – адзін на тры сям’і.
На ўзроўні, ніжэйшым за пражытачны мінімум, паводле афіцыйнай статыстыкі, жыве 6% сямей.
Цяпер чытаюць
Беларусы сустракаюць вызваленых палітвязняў у Вільні ФОТЫ і ВІДЭА5
Каментары