Першапачатковая крыніца эпідэміі новага каранавіруса не абавязкова была ў Кітаі, нягледзячы на тое, што ўспышка захворвання ўпершыню зафіксаваная на тэрыторыі КНР. Пра гэта ў чацвер на прэс-канферэнцыі заявіў кіраўнік спецыяльнай камісіі па барацьбе з распаўсюдам пнеўманіі Дзяржаўнага камітэта па справах аховы здароўя КНР Чжун Наньшань, піша tass.ru.
«Калі мы робім прагнозы і здагадкі адносна эпідэміі, у першую чаргу мы бяром да ўвагі Кітай і не разглядаем іншыя краіны. Зараз і за мяжой паўсталі сітуацыі [распаўсюджвання каранавіруса]», — сказаў ён. «Успышка эпідэміі ўпершыню ўзнікла ў КНР, аднак не абавязкова, што яна зарадзілася ў Кітаі», — указаў Чжун Наньшань.
Успышка выкліканага новым каранавірусам захворвання была зафіксавана ў канцы снежня 2019 года ў самым густанаселеным горадзе Цэнтральнага Кітая — 12-мільённым Ухані. Сусветная арганізацыя аховы здароўя прызнала яе надзвычайнай сітуацыяй міжнароднага маштабу, ахарактарызаваўшы як эпідэмію з шматлікімі агменямі. За межамі КНР выпадкі заражэння былі выяўлены ў 42 краінах. Улады Кітая зафіксавалі ў краіне 2744 смяротных зыходаў, ачунялі больш як 32,4 тыс. чалавек, колькасць тых, хто заразіўся за ўвесь час распаўсюду віруса перавысіла 78,4 тыс.
Каментары