У выніку авіяўдару ў сірыйскай правінцыі Ідліб загінулі па меншай меры 33 вайскоўцы Турцыі, піша bbc.com.
Улады Сірыі сітуацыю не каментуюць.
У адказ на ўдар у Ідлібе турэцкія войскі — як авіяцыя, так і наземныя сілы — адкрылі агонь «па ўсіх вядомых» цэлях сірыйскага рэжыму.
Пасля таго як стала вядома пра ваенныя страты ў Сірыі, прэзідэнт Турцыі Рэджэп Таіп Эрдаган правёў экстранную нараду па пытаннях бяспекі. Яна працягвалася каля шасці гадзін.
Ідліб — адзіны рэгіён Сірыі, які застаецца пад кантролем апазіцыі; там знаходзяцца каля 3,5 млн бежанцаў з іншых рэгіёнаў Сірыі, якія не хочуць жыць пад уладай рэжыму ў Дамаску.
Анкара аказвае ваенную падтрымку сірыйскай апазіцыі, у той час як Расія актыўна падтрымлівае ўрадавыя сілы. У Сірыі размешчаны расійскі ваенны кантынгент, самалёты ВКС Расіі здзяйсняюць баявыя вылеты, дапамагаючы сірыйскай авіяцыі.
Каментары