Трамп: Мне інтуіцыя падказвае, што смяротнасць ад каранавіруса не перавышае 1%
Прэзідэнт ЗША Дональд Трамп сумняваецца, што ацэнка Сусветнай арганізацыі аховы здароўя ўзроўню смяротнасці ад каранавіруса адпавядае рэчаіснасці. Пра гэта ён сказаў у інтэрв'ю Fox News.
«Я думаю, што 3,4% [выпадкаў са смяротным вынікам] — гэта памылка. Мая інтуіцыя падказвае, што смяротнасць ад новага каранавіруса складае да 1%», — сказаў Трамп.
«Гэта толькі мая здагадка, заснаваная на шматлікіх размовах з вялікай колькасцю людзей, таму што многія [захварэюць] у лёгкай форме. Яны вельмі хутка паправяцца. Яны нават не будуць наведваць лекара», — дадаў прэзідэнт ЗША.
Каментары