Днямі аператыўнікі крымінальнага вышуку затрымалі 67-гадовую жыхарку Мінскай вобласці. У Кафедральным саборы з сумак прыхаджан яна здолела непрыкметна выцягнуць два кашалькі. Выкрыць зладзейку дапамаглі ўстаноўленыя ў храме камеры відэаназірання, паведамляе сталічная міліцыя.
На запісах сышчыкі адразу пазналі даўно знаёмую ім пенсіянерку Зінаіду, якая да гэтага гастралявала па ўсёй краіне і зарабляла крадзяжамі выключна ў цэрквах, пакуль, нарэшце, не трапілася ў рукі правасуддзя.
Цікава тое, што прайшло ўсяго толькі тры дні, як яна выйшла на волю з месцаў зняволення. Біяграфію пенсіянеркі ўжо ўпрыгожваюць больш за дзясятак судзімасцяў за маёмасныя злачынствы. Напэўна, і ў гэты раз яна адправіцца адбываць пакаранне за высокі плот.
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары