Абноўленыя банкноты ўзору 2009 года наміналам 20 і 50 беларускіх рублёў 2020 года выпуску будуць уведзены ў абарачэнне з 23 сакавіка 2020 года.
Адпаведнае рашэнне прыняў Нацбанк у межах мерапрыемстваў па замене старых банкнотаў, якія выводзяцца з абарачэння, а таксама аптымізацыі ахоўнага комплексу банкнотаў, якія знаходзяцца ў абарачэнні.
Паведамляецца, што ахоўны комплекс новых банкнот узмоцнены за кошт дадатковага вадзянога знака, больш шырокай ахоўнай ніткі, а для 50 беларускіх рублёў яшчэ і выявы з колерапераменным эфектам.
Таксама ёсць наступныя змяненні:
— выключаны рэквізіт «Старшыня Праўлення» і факсіміле подпісу;
— прыведзены ў адпаведнасць з актуальным знешнім выглядам выявы архітэктурных збудаванняў на пярэдніх баках банкнотаў і пазначаны іх назвы;
— замест «2009» указаны год выпуску ў абарачэнне — «2020»
— надпіс «ПЯЦЬДЗЕСЯТ» на банкноце наміналам 50 рублёў заменены на «ПЯЦЬДЗЯСЯТ».
Выявы новых банкнотаў і падрабязная інфармацыя будзе змешчана 23 сакавіка.
Разам з тым банкноты ўзору 2009 года наміналам 20 і 50 беларускіх рублёў, выпушчаныя ў абарачэнне ў 2016 годзе, застаюцца.
-
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску
-
Якую дошку для нарэзкі выбраць — драўляную ці пластыкавую? Што кажуць спецыялісты
-
82‑гадовая амерыканская бабуля дабілася, каб у дамах састарэлых падавалі алкаголь
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч5
Каментары