Аплаціць праезд у мінскім метро можна будзе пры дапамозе сістэмы распазнавання твараў
Аплату праезду пры дапамозе сістэмы распазнавання твараў неабходна ўвесці ў метро Мінска ў тэставым рэжыме ў найбліжэйшыя месяцы. Пра гэта распавёў віцэ-мэр сталіцы Аляксандр Дараховіч, перадае карэспандэнт агенцтва «Мінск-навіны».
— З банкам, які рэалізуе праект, ужо праведзена папярэдняя праца, прайшлі перамовы, дасягнута паразуменне па гэтым пытанні. Спачатку сістэма запрацуе на адным з турнікетаў, тэставаць яе будуць самі работнікі банка. Толькі пасля таго як яна стане працаваць бездакорна, прапануем скарыстацца новай функцыяй пасажырам, — удакладніў Дараховіч.
Сутнасць тэхналогіі такая: партрэт пасажыра прывязваецца да яго банкаўскай карткі. Калі чалавек праходзіць праз турнікет, яго твар аўтаматычна фіксуецца камерай, распазнаецца з дапамогай адмысловай сістэмы па 120 кропках. У выніку з банкаўскай карты спісваецца кошт паездкі і турнікет адчыняецца.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары