Палкоўнік Уладзімір Макараў звольнены з пасады начальніка упраўлення інфармацыі галоўнага ідэалагічнага ўпраўлення Міністэрства абароны. Ён жа выконваў функцыі прэс-сакратара беларускага войска.
Свае паўнамоцтвы Макараў скончыў 31 сакавіка, ён пацвердзіў «Нашай Ніве» сваю адстаўку.
«Я перайшоў на больш высокую пасаду», — сказаў ён.
Па інфармацыі «НН», Макараў застаецца ў ваенным ведамстве — але ўсяго толькі журналістам у часопісе «ВПК. Беларусь».
Прэс-сакратарка міністра абароны Наталля Гаўрусік сказала «Нашай Ніве», што Макараў вызвалены ад займанай пасады ў сувязі з дасягненнем гранiчнага ўзросту знаходжання на дзяржслужбе.
Чытайце: Газета Мінабароны апублікавала артыкул пра тое, што ў Курапатах расстрэльвалі немцы. Вось што адказвае Макараў
За час сваёй работы Макараў запомніўся многімі адыёзнымі выказваннямі. Апроч іншага, ён называў праціўнікаў парадаў «ідэйнымі нашчадкамі Кубэ», а таксама адмаўляў неаспрэчны факт расстрэлаў НКВД у Курапатах.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары