У гэтыя выходныя дні чакаецца блізкая да сваіх шматгадовых значэнняў тэмпература, ападкаў прагназуецца няшмат, піша Tut.by.
У суботу раніцай і днём месцамі па ўсходзе невялікія кароткачасовыя ападкі (дождж, магчымы мокры снег). Істотны дыскамфорт у дзённыя гадзіны будзе ўносіць паўночна-заходні парывісты вецер. Ноччу -3.. + 3°С, максімальная днём ад + 6°С па паўночным усходзе да + 14°С па паўднёвым захадзе краіны.
12 красавіка, у нядзелю, пераважна без ападкаў. Ноччу -5.. +2°С, максімальная днём +8.. +15°С, па паўднёвым захадзе да + 17°С.
У панядзелак, 13 красавіка, халодны атмасферны фронт, які перамесціцца з акваторыі Балтыкі, прынясе на большую частку краіны кароткачасовыя дажджы, у асобных раёнах магчымы навальніцы і град, узмацненне ветру парывамі да 15-20 м/с. Ноччу +1..+ 8°С, максімальная днём ад + 12°С па паўночным захадзе да + 23°С па паўднёвым усходзе краіны.
Пачынаючы з аўторка характар надвор'я зменіцца. Халоднае паветра са Скандынавіі прынясе ападкі ў выглядзе дажджу і мокрага снегу, і паніжэнне тэмпературы.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах10
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары