Лукашэнка заклікае людзей у бальніцах не апускаць рукі, нават пры станоўчым тэсце на каранавірус.
Пра гэта ён заявіў сёння, прымаючы з дакладам кіраўніка Адміністрацыі прэзідэнта Ігара Сергеенку, старшыні Савета Рэспублікі сходу Наталля Качанава і міністра аховы здароўя Уладзіміра Караніка, перадае БЕЛТА. На фота з сустрэчы відаць, што на ёй прысутнічаў таксама сакратар Рады бяспекі Раўкоў.
«І запрасілі міністра, каб ён далажыў, якая сітуацыя на фронце аховы здароўя. Пры гэтым хачу падкрэсліць: мяне сёння, натуральна, будзе цікавіць, як разгортваецца ў нас (ці ўжо згортваецца) псіхоз з каранавірусам.
Але мяне больш будзе цікавіць сітуацыя ў суадносінах з іншымі хваробамі, — заявіў Аляксандр Лукашэнка. — Я яшчэ раз хачу нагадаць, што мы можам вельмі сур'ёзна проста пакрыўдзіць і зняважыць людзей, якія сёння знаходзяцца ў бальніцы, пакутуюць на іншыя захворванні: сардэчна-сасудзістыя, анкалогія, астматыкі ў нас ёсць, цукровы дыябет, увогуле пнеўманіі, як заўсёды ў гэты перыяд. Таму мяне цікавіць цэлы комплекс пытанняў. І звяртаю ўвагу, асабліва Міністэрства аховы здароўя, каб мы не забыліся гэтых людзей».
«І ўпершыню я хачу звярнуцца (шмат казалі пра дактароў, дзякуй ім, хто там начуе і днюе ў шпіталях, лечыць нашых людзей у гэты няпросты перыяд) да людзей, якія знаходзяцца ў стацыянарах і не проста хварэюць з органамі дыхання. Не, да ўсіх звярнуцца. Таму што
ў апошні час мне паступае інфармацыя, што вось гэты псіхоз, асабліва каранавірусны, давёў да таго, што людзі ўжо апусцілі рукі. І ў бальніцах перасталі змагацца за сваё жыццё.
Міністр ведае, што такое, калі чалавек перастае змагацца за жыццё», — сказаў Аляксандр Лукашэнка.
Цяпер чытаюць
Ніводзін лукашэнкаўскі СМІ і канал не выкарыстаў слова «рэтранслятары». Што гэта можа азначаць?26
Каментары