Міністр здароўя Літвы: Верагоднасць адмены каранціну з 11 мая мізэрная
Міністр аховы здароўя Літвы Аўрэліюс Вярыга 27 красавіка на прэс-канферэнцыі сказаў, што верагоднасць адмены каранціну ў сувязі з пагрозай каранавіруса ў краіне з 11 мая — нікчэмна малая. Паводле яго слоў, каранцін падоўжаць, толькі з'явіцца больш свабоды, піша Delfi.
«Верагоднасць таго, што каранцін 11 мая адменяць, мінімальная і вельмі невялікая. Трэба разумець, што каранцін значыць нашмат больш, чым проста закрытыя крамы або забарона на выхад у грамадскае месца, гэта ўмовы ізаляцыі, самаізаляцыі, праверак, перамяшчэння. Я думаю, што не ведаю, што павінна здарыцца, каб каранцін адклікалі з 11 мая. Думаю, што каранцін падоўжаць, будзе больш змякчэння ўмоў, калі сітуацыя палепшыцца», — сказаў Вярыга.
з 27 красавіка ў Літве адкрыліся цырульні, салоны прыгажосці, бібліятэкі, музеі, можна гуляць у гольф на вуліцы і ў вялікі тэніс, наведваць заапаркі і батанічныя сады.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна10
Каментары