Пра гэта паведаміла старшыня ЦВК Лідзія Ярмошына падчас пасяджэння Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў, піша sb.by.
На пасяджэнні быў зацверджаны каляндарны план агітацыйных мерапрыемстваў. Згодна з планам, не пазней за 20 мая павінны быць узгоднены абласныя і Мінская гарадская тэрытарыяльныя камісіі, раённыя цэнтральныя камісіі ў горадзе Мінску і абласцях, гарадскія камісіі.
Да 18 мая выканаўчыя камітэты павінны вызначыць месцы збору подпісаў у падтрымку вылучэння кандыдатаў у прэзідэнты. Сам збор подпісаў пачнецца з 21 мая і прадоўжыцца да 19 чэрвеня ўключна. Апошні дзень падачы дакументаў на рэгістрацыю ініцыятыўных груп — 15 мая.
— У пяцідзённы тэрмін з моманту атрымання заявы ад ініцыятыўны груп яго разгледзіць Цэнтральная камісія, — удакладніла Лідзія Ярмошына. — Група будзе альбо зарэгістраваная, альбо ёй адмовяць у рэгістрацыі. Усе пытанні, звязаныя з рэгістрацыяй, вылучэннем, разглядам скаргаў ад кандыдатаў у прэзідэнты, будзе вырашаць Цэнтральная камісія.
Прэзідэнцкія выбары адбудуцца 9 жніўня
Падаць дакументы на ўдзел у выбарах трэба да 15 мая. А Ціханоўскі за кратамі
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй24
Каментары