Прэзідэнт Украіны Уладзімір Зяленскі на прэс-канферэнцыі, прымеркаванай да гадавіны з дня інаўгурацыі, упершыню дапусціў магчымасць вылучэння на другі прэзідэнцкі тэрмін, паведамляе РБК.
На пытанне журналіста пра тое, ці хопіць яму аднаго тэрміну на пасадзе прэзідэнта, каб выканаць усе абяцанні, якія ён даў перад прэзідэнцкімі выбарамі, Зяленскі адказаў: «Сапраўды — не хопіць».
«Гэта няпростая работа, ніхто дзякуй за яе не скажа», — дадаў ён неўзабаве, удакладняючы свае словы аб прэзідэнцкім тэрміне. Зяленскі дадаў, што падумае аб другім тэрміне, калі прыйдзе час, у выпадку калі будзе падтрымка народа Украіны.
Гэта першая падобная заява з вуснаў Зяленскага — раней ён не згадваў аб планах пераабірацца на другі тэрмін.
Каментары