Пасля адмовы Германіі ад расійскай нафты Казахстан стаў для яе адным з найважнейшых альтэрнатыўных пастаўшчыкоў.
Уладзімір Пуцін можа нанесці новы ўдар па энергазабеспячэнні Германіі. Паводле інсайдарскай інфармацыі, Расія мае намер з 1 мая спыніць транзіт казахстанскай нафты па нафтаправодзе «Дружба» — ключавой нафтавай артэрыі ўсходніх рэгіёнаў ФРГ. Германія і Казахстан ужо праінфармаваныя пра гэтае рашэнне, піша Bild.
Дагэтуль казахстанская нафта ў вялікіх аб’ёмах паступае праз расійскую тэрыторыю ў Германію — найперш на нафтаперапрацоўчы завод PCK у Шведце (федэральная зямля Брандэнбург). Адтуль значная частка рэгіёна забяспечваецца бензінам, дызелем і мазутам. У 2025 годзе па гэтым маршруце Германія атрымала больш за 2,1 мільёна тон нафты — на 44% больш у параўнанні з папярэднім годам.
Пасля адмовы Германіі ад расійскай нафты Казахстан стаў для яе адным з найважнейшых альтэрнатыўных пастаўшчыкоў.
Афіцыйна Масква робіць выгляд, што нічога не ведае: прэс-сакратар Крамля Дзмітрый Пяскоў заявіў, што яму не вядома пра планы спыніць транзіт казахстанскай нафты: «Мы паспрабуем гэта праверыць». Расійскае міністэрства энергетыкі ўвогуле не адрэагавала.
Калі Расія сапраўды спыніць транзіт, гэта стане сур’ёзнай праблемай для Германіі. НПЗ у Шведце ўжо шукае рашэнне. Прадстаўнік Rosneft Deutschland заявіў: «Мы павінны праверыць, як пры неабходнасці забяспечыць альтэрнатыўныя пастаўкі, каб PCK мог працягваць працаваць на поўную магутнасць. […] Гэта не безвыходная сітуацыя».
Аднак ужо цяпер ясна адно: калі казахстанская нафта перастане паступаць па нафтаправодзе «Дружба», забеспячэнне Германіі энергарэсурсамі стане больш складаным і дарагім.
Цяпер чытаюць
Колькасць судоў па палітычных крыміналках зменшылася ў разы19
Каментары
Працуе ў пары з Украінай, яна перакрыла Германіі газ, Расея хоча перакрыць нафту.