На захадзе Мінска смярдзіць вада. Людзям прывезлі цыстэрны
Праблему з вадой у Маскоўскім і Фрунзенскім раёнах сталіцы павінны вырашыць да канца дня. Пра гэта паведаміў тэлеграм-канал Мінгарвыканкама «Мінск.Афіцыйна», а TUT.BY паглядзеў, куды цяпер ідуць па ваду жыхары Сухарава.
Што з якасцю вады
З раніцы лабараторыя прадпрыемства «Мінскводаканал» выканала пашыраны адбор пробаў вады ў Маскоўскім і Фрунзенскім раёнах. Акрамя паказчыка па паху, які знаходзіцца ў верхняй дапушчальнай мяжы, астатнія характарыстыкі якасці вады цалкам адпавядаюць патрабаванням санітарных нормаў.
У МНС паведамляюць, што Цэнтрам гігіены і эпідэміялогіі таксама ўзятыя пробы вады.
— Калі ў нас будзе інфармацыя аб небяспецы, будуць канкрэтныя рэкамендацыі. Агульныя рэкамендацыі вядомыя: не выкарыстоўваць ваду, калі яе выгляд ці колер або пах адрозніваюцца ад звыклых.
Антон Галаскок, начальнік вытворчасці «Мінскводаправод»:
— Моцны пах на ачышчальнай водаправоднай станцыі, якая падае ваду ў Маскоўскі і Фрунзенскі раёны, звязаны з высокімі тэмпературамі, якія ўсталяваліся ў апошнія дні. Разлічваем, што ў найбліжэйшы час пах будзе лакалізаваны і да канца дня спажыўцы атрымаюць ваду без паху.
Як спрабуюць вырашыць праблему
Для ліквідацыі прычын максімальна задзейнічаны сілы вытворчасці «Мінскводаправод». Выконваюцца рэгламентныя работы на сеткі водазабеспячэння як на тэрыторыі горада, так і за яго межамі, у тым ліку непасрэдна на саміх ачышчальных збудаваннях.
На перыяд правядзення работ да дамоў, з якіх паступалі шматлікія звароты з нагоды паху вады, арганізаваны падвоз пітной вады з падземных крыніц у цыстэрнах. Цяпер задзейнічаныя чатыры цыстэрны, яны знаходзяцца на вуліцах Янкоўскага, Рафіева, Сухараўскай і Ясеніна.
У выпадку паступлення званкоў ад жыхароў горада з іншых адрасоў бочкі з вадой накіруюць і туды. Калі спатрэбіцца, для гэтага задзейнічаюць тэхніку іншых прадпрыемстваў, паведамляе Мінгарвыканкам.
Трэба адзначыць, што жыхары Сухарава ў размове з журналістамі скардзяцца, што датэлефанавацца па нумарах у «Мінскводаканал», па якіх можна зрабіць заяўку па пітной вадзе, практычна немагчыма.
Некаторыя жыхары Сухарава набіраюць ваду з крыніцы, якая знаходзіцца на вуліцы Гарэцкага, недалёка ад дома №81, людзі раскупляюць пітную ваду ў крамах. Вось як выглядае чарга.
Не піце!
У МНС Беларусі паведамілі, што Цэнтрам гігіены і эпідэміялогіі таксама ўзятыя пробы — як і Мінскводаканалам. Калі ў МНС будзе інфармацыя аб небяспецы, яны неадкладна дадуць людзям канкрэтныя рэкамендацыі.
Пакуль жа рэкамендацыі агульныя: не выкарыстоўваць ваду, калі яе выгляд ці колер або пах адрозніваюцца ад звыклага.
Ва Украіне загінула 24-гадовая беларуская добраахвотніца Марыя Зайцава20
Каментары