Міністэрства культуры і турызму Турцыі разам з Упраўленнем па справах рэлігіі рыхтуюць рэкамендацыі аб падрыхтоўцы да правядзення мусульманскіх малітваў у саборы Святой Сафіі ў Стамбуле, перадае Hurriyet.
Паводле газеты, разглядаецца магчымасць усталяваць у саборы спецыяльную сістэму асвятлення, пры якой падчас набажэнстваў не будуць бачныя хрысціянскія мазаікі і фрэскі. Выданне ўдакладняе, што падчас набажэнстваў лазерныя промні будуць зацямняць твары святых падчас набажэнстваў, тады як іх адзенне і іншыя элементы роспісаў застануцца бачнымі.
Іншы варыянт прадугледжвае, што мазаіку будзе закрываць заслона, але гэтая мера не разглядаецца ў якасці асноўнай, піша Hurriyet. Турэцкія ўлады абяцаюць беражліва ставіцца да фрэсак і мазаік, каб не сутыкнуцца з негатывам з-за неналежнага абыходжання з гістарычнымі каштоўнасцямі.
Іслам забараняе выявы жывых істот, бо гэта лічыцца ідалапаклонствам і супярэчыць аснове вучэння аб чыстым адзінабожжы.
Газета таксама удакладняе, што ў той частцы сабора Святой Сафіі, дзе будуць праходзіць малітвы, для іх удзельнікаў расцеляць дыван. Каб турысты не наступалі на яго, іх будуць праводзіць па спецыяльна створаным калідоры.
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі22
Каментары