Акцыя завяршылася выцясненнем часткі яе ўдзельнікаў уздоўж ракі Свіслач за вуліцу Арлоўскую, што прыкладна за шэсць кіламетраў ад плошчы.
Акцыя салідарнасці з рэпрэсаванымі і сем’ямі зніклых палітыкаў на Кастрычніцкай плошчы Мінска завяршылася выцясненнем часткі яе ўдзельнікаў уздоўж ракі Свіслач за вуліцу Арлоўскую, што прыкладна за шэсць кіламетраў ад плошчы.
На апошнім кіламетры міліцыя перайшла на бег, прымусіўшы зрабіць тое ж самае астатніх удзельнікаў — Паўла Севярынца, Артура Фінькевіча і яшчэ аднаго актывіста апазіцыі.
«Хамства звыш меры, — заявіў БелаПАН П.Севярынец, калі пераслед спыніўся.
— У дзень прыезду міністра замежных спраў Чэхіі, якая старшынствуе ў Еўрасаюзе, быў арганізаваны брутальны разгон. На аднаго ўдзельніка акцыі прыпадала пяць спецназаўцаў, якія білі нас па нагах. Думаю, заўтра раніцай нам будзе пра што расказаць спадару Шварцэнбергу».
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары