Двух валанцёраў штаба Віктара Бабарыкі Арцёма Панасюка і Дзмітрыя Нагайчанку і двух валанцёраў штаба Ціханоўскага Алега Маісеенку і Антона Сташэўскага вызвалілі з СІЗА № 1 без прад'яўлення абвінавачванняў, паведамляе Tut.by
Арцём Панасюк быў затрыманы напярэдадні выбараў па падазрэнні ў падрыхтоўцы да масавых беспарадкаў. Адвакат валанцёра Дзмітрый Лаеўскі аспрэчыў выстаўленае падазрэнне, заявіўшы хадайніцтва аб спыненні крымінальнага пераследу. Панасюка адпусцілі 18 жніўня без прад'яўлення абвінавачвання, піша Tut.by
Паводле інфармацыі юрыста штаба Бабарыкі Максіма Знака Дзмітрый Нагайчанка таксама адпушчаны напярэдадні без прад'яўлення абвінавачванняў.
Алега Маісеенку і Антона Сташэўскага затрымалі 8 жніўня. Іх выклікалі ў ГУБАЗіК і пасля гэтага інфармацыі пра іх месцазнаходжанне не было.
Ахоўнікаў-валанцёраў адпусцілі 18 жніўня, праз 10 сутак пасля затрымання, абодвух без прад'яўлення абвінавачвання. Алег Маісеенка знаходзіцца ў статусе падазраванага ў рамках крымінальнай справы.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі
Каментары