Туск: У 2014 годзе Лукашэнка хацеў стаць прэзідэнтам украінска-беларускага саюза
Аляксандр Лукашэнка хацеў стварыць і ўзначаліць саюз паміж Украінай і Беларуссю. Такую прапанову ён нібыта агучыў еўрапейскім палітыкам у 2014 годзе. Такую ініцыятыву Лукашэнка нібыта выказаў у тэлефоннай размове з тагачасным прэм'ер-міністрам Польшчы Дональдам Тускам, паведамляе Onet.pl.
Лукашэнка пераконваў Туска, што можа быць гарантам рашэння канфлікту. І прасіў падтрымаць ідэю беларуска-ўкраінскага саюза, дзе ён быў бы прэзідэнтам абедзвюх краін.
На думку былога польскага прэм'ера, Лукашэнка высунуў такую прапанову не з мэтай выратаваць Украіну, а баючыся страціць уладу.
«Лукашэнка баяўся некантралюемага развіцця падзей, калі Крэмль яшчэ мог напасці на Беларусь. Гэта магло азначаць яго канец», — растлумачыў Туск.
І падкрэсліў, што размова з Лукашэнкам праходзіла ў самы гарачы перыяд агрэсіі Расіі супраць Украіны ў 2014 годзе.
Цяпер чытаюць
За мінулы год насельніцтва Беларусі скарацілася яшчэ на 53 тысячы чалавек16
Каментары