30 верасня суд Першамайскага раёна Віцебска прызнаў Таццяну і Канстанціна Севярынцаў вінаватымі ў парушэнні заканадаўства аб масавых мерапрыемствах (арт. 23.34 КаАП), паведамляе «Радыё Свабода» са спасылкай на «Віцебскую вясну».
Суддзя Міхаіл Юрчанка расцаніў маханне бел-чырвона-белым сцягам з лоджыі як несанкцыянаванае пікетаванне і прыняў рашэнне аштрафаваць Таццяну Севярынец на 25 базавых велічынь (675 рублёў), а яе мужу Канстанціну вынес папярэджанне, бо для яго гэта была першая за год адміністрацыйная справа.
30 жніўня Таццяна і Канстанцін Севярынцы разам з блогеркай Аленай Янушкоўскай з лоджыі сваёй кватэры на 8-м паверсе віталі бел-чырвона-белым сцягам калону ўдзельнікаў акцыі салідарнасці, якая ішла па праспекце Будаўнікоў.
Згодна з пратаколам, Таццяна Севярынец «знаходзілася ў грамадскім месцы — на лоджыі ў сваёй кватэры — і на вачах у іншых грамадзян брала актыўны ўдзел у пікетаванні: выказвала грамадска-палітычныя інтарэсы з выкарыстаннем бел-чырвона-белага палотнішча, звяртала на сябе ўвагу мінакоў, дэманстравала жэсты рукамі».
Суддзя Міхаіл Юрчанка запытаў, ці звярталася актывістка ў адміністрацыю па дазвол на правядзенне масавага мерапрыемства, чым выклікаў смех у зале.
«Як гэта зразумець? Што грамадскае месца — гэта мая кватэра? Я мусіла бегчы ў адміністрацыю Першамайскага раёна і прасіць дазволу выйсці на лоджыю? Якое можа быць пікетаванне ва ўласнай кватэры?» — з абурэннем пыталася актывістка.
Актывістку і блогерку Алену Янушкоўскую за «пікет на лоджыі» ўжо пакаралі штрафам у 945 рублёў некалькі тыдняў таму.
-
«Будавала кар'еру, каб цяпер сарвацца ў аграрны? Адназначна так!» Дэканы Горацкай акадэміі закахалі ў сябе сацсеткі
-
У цэнтры Брэста паставяць гіганцкія вагі з незвычайнымі адзінкамі вымярэння
-
«Не будзем звяртаць увагу на лімітрофаў». Юрась Зянковіч запусціў уласнае медыя, не ведаючы, што гэтаксама называецца сайт пазнякоўцаў
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч9
Каментары