Пракуратура Фрунзенскага раёна Мінска вынесла прадпісанне старшыні таварыства аднаго з дамоў жылога комплексу «Каскад» і выставіла рахунак за зняцце бел-чырвона-белых сцягоў службай МНС. Мясцовыя жыхары лічаць, што гэта нонсэнс, бо само парушэнне не зафіксавана, піша Tut.by.
Загад аб ліквідацыі парушэнняў заканадаўства аб архітэктурнай, горадабудаўнічай і будаўнічай дзейнасці выпісалі 12 кастрычніка.
У дакуменце сказана, што пракуратура Фрунзенскага раёна ўстанавіла, што 27 і 29 верасня, а таксама 2 кастрычніка паміж дамамі 4Б і 4Д па вуліцы Скрыганава «размяшчаўся бел-чырвона-белы сцяг». Гэта сведчыць, што таварыства ўласнікаў не падтрымлівае архітэктурнае аблічча жылога дома ў адпаведнасці з праектнай дакументацыяй, лічаць у пракуратуры.
Канструкцыі, якія не прадугледжаны праектам, неабходна было аператыўна дэмантаваць. «Для ліквідацыі парушэнняў заканадаўства, дэмантажу сцяга задзейнічаны сілы і сродкі Фрунзенскага РАНС, якім панесены выдаткі ў памеры 176,32 руб.», — сказана ў лісце.
Выдаткі на «ліквідацыю парушэнняў» пракуратура патрабуе пакрыць, а таксама прыняць меры па выкананні закона.
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак40
Каментары