З 3 па 9 ліпеня ў Музэі Гісторыі Кіно адбываецца фотавыстава Сяргея Пілецкага «Я разам з птушкамі дыхаў». На выставе, арганізаванай сябрамі Сяргея, каля сотні фотаздымкаў. Таксама, у межах дзён памяці Пілецкага 8 ліпеня адбудзецца дабрачынная імпрэза у клюбе «Графіці» (зав. Калініна, 16). У ёй прымуць удзел Тахміна, Клёндайк, Expansiya, Вольга Афіцэрава і Тацяна Пракапчук. Уваходны квіток каштуе 10000. А ўсе сабраныя сродкі будуць скарыстаныя на помнік Сяргею. Кантактны тэлефон: +37529 348 08 53 «Я разам з птушкамі дыхаў…» – апошні запіс, які зрабіў Сяргей у сваім «жывым дзёньніку» (Live Journal), узгадваючы пра здымку на даху касьцёла ў Заслаўі. Дзеля добрага здымка ён гатовы быў ня толькі дыхаць, але і лётаць разам з птушкамі. А праз два дні загінуў у аўтакатастрофе.
З 3 па 9 ліпеня ў Музэі Гісторыі Кіно адбываецца фотавыстава Сяргея Пілецкага «Я разам з птушкамі дыхаў».
На выставе, арганізаванай сябрамі Сяргея, каля сотні фотаздымкаў. Таксама, у межах дзён памяці Пілецкага 8 ліпеня адбудзецца дабрачынная імпрэза у клюбе «Графіці» (зав. Калініна, 16). У ёй прымуць удзел Тахміна, Клёндайк, Expansiya, Вольга Афіцэрава і Тацяна Пракапчук. Уваходны квіток каштуе 10000. А ўсе сабраныя сродкі будуць скарыстаныя на помнік Сяргею. Кантактны тэлефон: +37529 348 08 53
«Я разам з птушкамі дыхаў…» – апошні запіс, які зрабіў Сяргей у сваім «жывым дзёньніку» (Live Journal), узгадваючы пра здымку на даху касьцёла ў Заслаўі. Дзеля добрага здымка ён гатовы быў ня толькі дыхаць, але і лётаць разам з птушкамі. А праз два дні загінуў у аўтакатастрофе.
У 2001 ён ўпершыню ўзяў у рукі стары бацькаў фотаапарат, а пасьля перавёўся з дзённага аддзяленьня ўнівэрсытэта на завочнае, для таго, каб паралельна з кампутарным праектаваньнем займацца фатаграфіяй.
Сяргей сышоў ад нас у дваццаць два гады, але пакінуў незьлічоную колькасьць працаў самых розных жанраў, стыляў і накірункаў.
Аня: «Сказаць, што Сяргей быў фатографам – гэта мала. Сяргей быў мастаком. Калі ён нешта бачыў, ён мог гадзінамі ляжаць на падлозе, каб зрабіць неабходны здымак. Гэта найбольш уражвала. Калі я пабачыла, як ён здымае, я вырашыла, што ніколі больш не вазьму фотаапарат. Ён заўсёды быў жыцьцярадасным і вельмі любіў жыцьцё і ўсё , што зь ім зьвязана.»
Музэй Гісторыі Кіно знаходзіцца па адрэсе: вул. Сьвярдлова, 4.
Каментары