17-гадовыя Сяргей Лягун і Юрый Мельчанка атрымалі па годзе пазбаўлення волі ўмоўна. 30 лістапада намесніца старшыні суда Мазырскага раёна Элеанора Ярмоленка прызнала іх вінаватымі ва ўдзеле ў «масавых беспарадках», паведамляе palesse.press.
11 жніўня юнакі ўдзельнічалі ў мірнай акцыі пратэсту супраць фальсіфікацыі вынікаў выбараў. У судзе не было даказана, што менавіта камень, кінуты хлопцамі, пабіў шкло ў машыне ўнутраных войскаў, зазначаюць праваабаронцы. Але паколькі іх кідала група людзей, то суддзя прызнала іх дзеянні «здзейсненымі ў групе».
На судзе Мельчанка казаў, што быў жорстка збіты.
Каментары