Прадпрымальны мінчук прыкінуўся мерчандайзерам і скраў 12 упаковак дарагой рыбы
38-гадовы мінчук зайшоў у адну са сталічных крам і скраў 12 упаковак філе сёмгі амаль на 500 рублёў.
Мужчына, выдаючы сябе за мерчандайзера крамы, узяў скрынку і склаў у яе рыбу. Пасля чаго ўцёк, піша СК.
Яго затрымалі. Ён распавёў, што выкрадзены тавар прадаваў выпадковым мінакам па нізкай цане.
Аказалася, што мужчына сапраўды працаваў мерчандайзерам, але ў іншым супермаркеце. Меў адпаведны бэйдж і ведаў усе тонкасці.
Каментары