Найлепшы футбаліст Беларусі апошніх гадоў, які лічыўся сімвалам БАТЭ, перайшоў у салігорскі «Шахцёр»
35-гадовы паўабаронца БАТЭ Ігар Стасевіч стаў футбалістам салігорскага «Шахцёра».
Пра гэта паведаміў у сваім тэлеграм-канале каментатар Мікалай Хадасевіч.
фота depositphotos.com
Стасевіч — ураджэнец Барысава, адзін з нямногіх такіх у БАТЭ. Ён пачынаў кар'еру ў родным клубе, потым паўгода пагуляў у Расіі і ўрэшце вярнуўся ў Беларусь. Гуляў за «Гомель» і мінскае «Дынама», а ў 2015 годзе вярнуўся за БАТЭ.
За апошнія пяць гадоў у камандзе Стасевіч ператварыўся у стабільна найлепшага футбаліста Беларусі. Гэта званне ён атрымліваў тройчы — у 2015, 2018 і 2019 гадах.
Сёлета БАТЭ не змагло стаць чэмпіёнам і на некалькі балаў адстала ад «Шахцёра». Менавіта ў гэту каманду і вырашыў перабрацца немалады гулец.
Цяпер чытаюць
«Я супрацоўнік КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку17
Каментары