Ён называецца «Чыгунка ў творах жывапісу». Рэалізацыя гэтага праекта — ад задумкі да ўвасаблення — вынік працы творчага калектыву Цэнтра навукова-тэхнічнай інфармацыі БЧ, паведамляе Звязда.
Асноўная яго ідэя — прадставіць вобраз чыгункі праз прызму ўспрымання беларускіх, савецкіх і замежных жывапісцаў.
На старонках календара карціны вядомых мастакоў: рускага жывапісца Уладзіміра Казанцава «На паўстанку», галандскага мастака-постімпрэсіяніста Вінцэнта Ван Гога «Платановая алея», прадстаўніка французскага імпрэсіянізму Каміля Пісаро «Станцыя Лордшып Лейн, Далвіч», беларускіх мастакоў Паўла Гаўрыленкі «Ідзе эшалон», Васіля Сумарава «Мой дом» і іншых вялікіх майстроў пэндзля і фарбы.
Самая ранняя з работ, прадстаўленых у календары, гэта карціна англійскага мастака Уільяма Тэрнера «Дождж, пар і хуткасць» датаваная 1844 годам.
Палатно было напісана пасля паездкі аўтара па Вялікай заходняй чыгуначнай дарозе, якая злучала паўднёвы захад і захад Англіі з Лонданам. Лічыцца, што на палатне намаляваны чыгуначны мост Мейденхед праз Тэмзу.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ39
Каментары