Першая партыя расійскай вакцыны «Спадарожнік V» прыбыла ў Беларусь.
Пра гэта паведаміла ведамства ў сваім тэлеграм-канале.
Міністр Дзмітрый Піневіч заявіў: «Сёння ў нас пачнецца новы этап — масавая вакцынацыя супраць COVID-19. Першымі будуць вакцынаваныя — медыцынскія работнікі, педагогі і тыя спецыялісты, якім у сілу асаблівасцяў прафесіі даводзіцца шмат кантактаваць з людзьмі. Вакцынацыя будзе праводзіцца ў добраахвотным парадку».
Дзмітрый Піневіч таксама дадаў, што ў Беларусі створана сістэма захоўвання вакцыны, якая дазваляе выконваць халадовы ланцуг, таксама закуплена спецыяльнае медыцынскае маразільнае абсталяванне, што дазваляе транспартаваць вакцыну.
Раней міністр казаў, што да канца вясны плануецца прышчапіць каля 1,2 млн чалавек).
Каментары