Ілан Маск прапаноўвае $100 мільёнаў таму, хто створыць эфектыўную сістэму па змяншэнні вугляроднага газу ў атмасферы
Стваральнік электрамабіля Tesla заявіў, што падтрымае тэхналогію па змяншэнні колькасці вугляроднага газу ў атмасферы, каб запаволіць тэмпы глабальнага пацяплення, паведамляе The Telegraph.
Праз некалькі тыдняў пасля таго, як Ілан Маск стаў найбагацейшым чалавекам у свеце, ён заявіў пра гатоўнасць ахвяраваць сто мільёнаў даляраў таму, хто будзе здольны прыдумаць найлепшую тэхналогію ўлоўлівання і захавання вугляроду.
Генеральны дырэктар Tesla, які абагнаў Джэфа Безаса, заснавальніка Amazon.com, у рэйтынгу самых багатых людзей планеты, удакладніў, што падрабязная інфармацыя пра яго план падтрымкі новых тэхналогій з’явіцца на наступным тыдні.
49-гадовы прадпрымальнік родам з Паўднёвай Афрыкі ўжо даўно сцвярджае пра неабходнасць абараніць планету ад змены клімату. Аднак да цяперашняга часу больш прымаліся меры па скарачэнні выкідаў газу ў атмасферу, чым для змяншэння бягучага ўзроўню вугляроду ў паветры.
Тэхналогія ўлоўлівання і захавання вугляроду накіравана на тое, каб выцягваць вугляродны газ з атмасферы і захоўваць яго ў бяспечных месцах, напрыклад, пад зямлёй. Падобная тэхналогія абыходзіцца задорага, але ўжо ёсць кампаніі, якія эксперыментуюць з такімі сістэмамі.
Акрамя Тэслы, Ілан Маск таксама ўзначальвае такія высокатэхналагічныя кампаніі, як SpaceX, што займаецца распрацоўкай ракет, і Neuralink, якая займаецца вырабам нейракамп’ютарных інтэрфейсаў.
Нягледзячы на тое што Ілан Маск падпісаў клятву дарэння, ён зрабіў адносна мала для дабрачыннасці. Сам прадпрымальнік адзначае, што яго імкненне назапашваць багацце звязана з жаданнем перанакіраваць сродкі на асваенне космасу. «Спатрэбіцца шмат рэсурсаў, каб пабудаваць горад на Марсе», — сказаў ён у адным са сваіх інтэрв’ю.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары