Гэты настой з лімону, імбіру і куркумы лёгкі ў прыгатаванні, прыемны на смак і вельмі карысны для арганізма.
На працягу тысячагоддзяў людзі выкарыстоўвалі імбір — даўней беларусы называлі яго «імберац», адсюль прыказка «даць перцу з імберцам» — для лячэння прастуды, артрыту і нават мігрэні. Імбір мае антыаксідантныя і супрацьзапаленчыя ўласцівасці.
Ён здольны палягчаць сімптомы млоснасці і дапамагчы сардэчна-сасудзістай сістэме, піша The Wall Street Journal.
Куркума мае ў складзе куркумін, які таксама з’яўляецца моцным супрацьзапаленчым і антыаксідантным прэпаратам.
Лімон — багатая крыніца вітаміну С.
Чырвоны перац карысны для стрававання.
Нефільтраваны яблычны воцат мае карысныя бактэрыі.
А мёд надае напою непоўторны смак.
Вам спатрэбяцца:
Для сіропу:
1/3 чайнай лыжкі куркумы
30 мл свежага соку імбіру (змалоць корань імбіру ў блэндары, заліць вадой і перамешваць, сумесь мае быць густой. Пасля трэба перакласці сумесь у марлю і адціснуць сок)
40 г мёду
Для напою:
20 мл лімоннага соку
1 сталовая лыжка (або менш) яблычнага воцату
Дробка чырвонага перцу
Долька лімона для аздобы
- Для сіропу трэба ўзбіць сок імбіру і мёд да аднароднай масы, пасля дадаць куркуму. Можна захоўваць у герметычным кантэйнеры ў лядоўні на працягу тыдня. Разлічана на 6 порцый напою.
- Да лімоннага соку дадайце сіроп і воцат, дадайце дробку перцу. Пасля сумесь трэба заліць 150 мл гарачай вады. Перамяшаць. Аздобіць долькай лімона.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары