Асноўнае за 8 лютага: Суд за гноміка, Румас у Лондане, сем гадоў калоніі за зброю і «падрыхтоўку беспарадкаў»
Арцыбіскуп Кандрусевіч у Магілёве: Неабходна лячыць нашу хворую краіну
Ганаровы мітрапаліт Мінска-Магілёўскі арцыбіскуп Тадэвуш Кандрусевіч наведаў Магілёў, дзе памаліўся з мясцовымі вернікамі і правёў сустрэчу з духавенствам Магілёўскага рэгіёна.
Тры закладніцы. Чаму сядзяць журналісткі Андрэева, Чульцова, Барысевіч — Ток
Калегі, сябры і родныя трох журналістак у фільме «Нашай Нівы» заяўляюць пра абсурднасць і цынічнасць высунутых супраць іх абвінавачванняў.
У Гродне судзяць за гноміка з бел-чырвона-белым сцяжком у акне. Абвінавачваюць у адзіночным пікеце
У судзе Кастрычніцкага раёна Гродна судзяць Юрыя Яраша за дэкаратыўнага гноміка з БЧБ-сцяжком у руках. Фотаздымак выстаўленага на акне гноміка зрабіла Вольга Бондарава. Жанчына вядомая гарадзенцам тым, што ўдзельнічае ў аўтапрабегах, падтрымлівае супрацоўнікаў АМАПа на акцыях і зафарбоўвае бчб-сімволіку на вуліцах горада.
Лукашэнка сказаў, што ў сацыялагічным апытанні ўзялі ўдзел 10 тысяч чалавек
Пра гэта ён заявіў на заключнай нарадзе наконт правядзення «Усебеларускага сходу», што пройдзе ў Мінску 11-12 лютага.
Румас з Лондана: Я жывы, не арыштаваны. Дзякуй, што хвалюецеся
Ужо хутка тыдзень, як стала вядома пра затрыманні сяброў былога прэм'ер-міністра Сяргея Румаса, а таксама меркаваныя пытанні органаў бяспекі да яго самога.
З таго часу ў публічнай прасторы Румас не з'яўляўся. Па інфармацыі «Нашай Нівы», ён знаходзіцца ў Брытаніі, куды паляцеў на дзень народзінаў старэйшага сына Валерыя напярэдадні кампаніі арыштаў, якая закранула кола сяброў былога прэм'ера.
У Мінску судзяць два дзясяткі замежнікаў за непадпарадкаванне. Што адбываецца?
Кастрычніцкі суд Мінска 8 лютага разглядае каля 20 адміністратыўных спраў замежных грамадзян: у спісе італьянскія, арабскія, балгарскія імёны і прозвішчы.
У Магілёве прайшоў закрыты суд — чалавеку далі 7 гадоў калоніі за зброю і «падрыхтоўку беспарадкаў»
Як паведамляюць праваабаронцы, у Магілёве вынеслі прысуд Аляксею Мельнікаву. Яго абвінавачвалі ў падрыхтоўцы да масавых беспарадкаў і захоўванні зброі.
Разведка ЗША: Беларусь стала перадавым вайсковым плацдармам Расіі24
Каментары