Кіраўнік КДБ: Пік пратэснай актыўнасці ў Беларусі пройдзены, краіна вярнулася да нармальнага жыцця
Пік пратэснай актыўнасці ў Беларусі пройдзены, краіна вярнулася да нармальнага жыцця, заявіў сёння старшыня КДБ Іван Церцель на Усебеларускім народным сходзе.
«Беларусь — адна з нямногіх краін, якая выстаяла ва ўмовах рэалізацыі самага жорсткага сцэнара. Як бы ні хацелася закулісным гульцам, пік пратэснай актыўнасці пройдзены, краіна вярнулася да нармальнага жыцця і цвёрда стаіць на шляху далейшага развіцця», — сказаў Іван Церцель.
У той жа час, паводле яго слоў, «урокі мінулага, а таксама даныя, якія паступаюць у КДБ з розных крыніц, у тым ліку ад замежных партнёраў, сведчаць аб тым, што час расслабляцца не прыйшоў».
«Пры падтрымцы зацікаўленых палітычных колаў на тэрыторыі замежных дзяржаў сфармаваныя структуры, у якіх пры фінансавай падтрымцы так званых фондаў, спецслужбаў, якія стаяць за імі, канцэнтруюцца рознага роду ўцекачы, авантурысты, прайдзісветы і проста здраднікі», — заявіў кіраўнік КДБ.
«Мы маем дакладную інфармацыю аб намерах па здзяйсненні актаў тэрарыстычнай накіраванасці на тэрыторыі нашай краіны», — сказаў Іван Церцель.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў33
Каментары