Жыхар аднаго з аграгарадкоў Круглянскага раёна яшчэ спаў, пакуль у суседняй вёсцы ратавальнікі ўжо тушылі ахоплены полымем яго скрадзены аўтамабіль.
Уладальнік легкавушкі Peugeot 405 пакінуў яе незачыненай, ды яшчэ і з ключамі ў замку запальвання. Гэтым скарыстаўся 38‑гадовы аднавясковец. П’яны мужчына вырашыў з'ездзіць у госці да прыяцеля ў суседнюю вёску на чужой машыне.
Аднак п'яная паездка доўжылася нядоўга. Прыкладна за чатыры кіламетры кіроўца страціў кантроль над машынай, з'ехаў з дарогі і на хуткасці пратараніў апорную лінію электраперадач.
Ад магутнага ўдару Peugeot загарэўся. Сам кіроўца цудам не пацярпеў — ён выбраўся з салона і пайшоў дадому спаць.
На месца здарэння прыехалі пажарныя, аднак агонь і ўдар нанеслі машыне такія пашкоджанні, што аўтамабіль аднаўленню не падлягае.
Падазраваны быў затрыманы. На яго адразу ўказаў і сам пацярпелы, які западозрыў у злачынстве свайго суседа.
Але галоўным доказам датычнасці мужчыны да злачынства сталі вынікі экспертаў. На месцы, адкуль быў скрадзены Peugeot, эксперт-крыміналіст знайшоў сляды абутку.
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары