1 сакавіка ў Магілёўскі гарвыканкам па пошце была адпраўленая заяўка аб правядзенні 25 сакавіка мітынгу з патрабаваннем палітычных правоў і свабод, вызвалення палітвязняў, а таксама зняцця забарон і абмежаванняў на выкарыстанне бел-чырвона-белага сцяга, паведамляе 6tv.by.
Апавяшчэнне аб правядзенні мітынгу гарадскім уладам накіравана за подпісам работніка аднаго з заводаў. Прадугледжваецца, што ў акцыі возьмуць удзел да 900 чалавек, якія збяруцца ў адзіным месцы, адведзеным для масавых мерапрыемстваў, якія арганізаваныя не ўладай, — на стадыёне па вуліцы Чалюскінцаў, 64-В.
Фінансаванне акцыі заяўлена за кошт сродкаў арганізатара і ахвяраванняў сябраў Аб'яднанай грамадзянскай партыі (АГП). «Падчас правядзення масавага мерапрыемства плануецца выкарыстанне транспарантаў і лозунгаў. Выкарыстанне транспартных, піратэхнічных сродкаў падчас правядзення масавага мерапрыемства не плануецца», — гаворыцца ў паведамленні.
Згодна з заканадаўствам, мясцовы орган улады павінен разгледзець заяву і не пазней за пяць дзён да даты правядзення масавага мерапрыемства ў пісьмовай форме паведаміць яго арганізатару аб прынятым рашэнні — дазваляць або не дазваляць акцыю.
Цяпер чытаюць
«Дыялект падазроны». Спявак Сярога прыйшоў на расійскае рэаліці і сабраў усіх хэйтараў1
Каментары