Устаноўчы з'езд прарасійскай партыі «Саюз» адбыўся 6 сакавіка ў Мінску. Расійскімі гасцямі з'езда былі прыхільнікі Захара Прылепіна па «ДНР» і дэпутат Дзярждумы з анэксаванага Крыма, піша DW.
З'езд сабраў 135 дэлегатаў, якія амаль аднадушна выканалі фармальныя працэдуры па стварэнні партыі. З вітальным словам выступіў дэпутат Дзярждумы РФ Дзмітрый Белік з Севастопаля і дэпутат Палаты прадстаўнікоў Беларусі Тэнгіз Думбадзэ, а таксама прадстаўнікі аб'яднанай расійскай партыі «Справядлівая Расія — за праўду» Аляксандр Казакоў і Віктар Яцэнка, якія перадалі прывітанне ад свайго лідара Захара Прылепіна. Белік палічыў сімвалічнай дату з'езду, нагадаўшы, што акурат 6 сакавіка быў прызначаны рэферэндум «аб вяртанні Крыма ў родную гавань».
Беларускі дэпутат Тэнгіз Думбадзэ назваў сябе «беларускім грузінам», а таксама «прыхільнікам улады, які не баіцца праўды». Ён вітаў будучую працу «Саюза» па паглыбленні інтэграцыі Беларусі і Расіі, якая «не павінна ўдарыць па суверэнітэце».
Таксама паказальнае прывітанне з'езду ад праўладнага публіцыста Аляксея Дзермана, які падзякаваў Лушчу за дапамогу ў арганізацыі мітынгаў у падтрымку Лукашэнкі ў жніўні-верасні. Сам Дзерман аднак прызнаўся, што мае намер уступіць у прапрэзідэнцкую партыю, у якую будзе пераўтворана грамадскае аб'яднанне «Белая Русь».
Сімвалічна, што кандыдатуру Лушча на месца старшыні «Саюза» высунуў Мікалай Сяргееў, які з 1992-га да роспуску ў 1999 годзе быў адным з лідараў прарасійскай партыі «Славянскі сабор «Белая Русь». Пасля ліквідацыі «Славянскага сабора» такіх адкрыта прарасійскіх партый у Беларусі больш не было да 2021 года.
Чытайце таксама: Прарасійскія радыкальныя сілы ў Беларусі аб’ядноўваюцца ў партыю. Выступіць запрасілі паплечнікаў Захарчанкі з ДНР
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу22
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4242
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ42
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары