Памочнік Лукашэнкі: Лічбавая валюта — хутчэй спекулятыўны рэсурс, чым кірунак для інвестыцый
Біткойны і іншая лічбавая валюта з'яўляюцца хутчэй спекулятыўным рэсурсам, таму дзяржаве не выгадна інвеставаць у гэтую дзейнасць. Такое меркаванне выказаў у эфіры СТБ памочнік Лукашэнкі па пытаннях развіцця фінансава-крэдытнай сістэмы Валерый Бельскі.
Паводле слоў Бельскага, дзяржава стварае найлепшыя ўмовы для развіцця любога бізнэсу ў краіне, у тым ліку і ў сферы лічбавай валюты. Аднак, самой дзяржаве інвеставаць у гэта не варта.
— Як паказаў вопыт нават за мінулы год, ніякай стабільнасці ў чаканнях і рэальным кошце гэтага лічбавага актыву няма. Гэта спекулятыўны рэсурс, які сёння можа каштаваць 6 тысяч даляраў, напрыклад, за адну лічбавую манету і можа каштаваць 50 даляраў і больш, — адзначыў памочнік Лукашэнкі.
Таксама Бельскі звярнуў увагу на тое, што ў Беларусі ёсць спекулянты, якія зарабляюць на лічбавай валюце, ёсць адпаведная біржа, якая даволі актыўна праводзіць таргі, выступаючы пасярэднікам абмену лічбавых грошай на рэальныя і наадварот.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення17
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары