На радзіме Янкі Купалы, у вёсцы Вязынка, у нядзелю прайшло «Гуканне вясны», піша «Новы Час».
Свята арганізавалі Студэнцкае этнаграфічнае таварыства і Дзяржаўны літаратурны музей Янкі Купалы.
На ім былі гульні для моладзі і дзяцей, традыцыйная інструментальная музыка, вясёлыя танцы і кірмаш рамёстваў. Усе ўдзельнікі разам вадзілі карагоды, бо, паводле старажытнай традыцыі, топчучы зямлю, мы яе грэем і абуджаем.
Сёлета на свяце былі гурты «Горынь», «Гуда», «Мережа», «Дайнава», «Варган», дзіцячы калектыў «Явар», этнаграфічны клуб «Кола», калектыў традыцыйнага танца «Табарак», клуб традыцыйнага танца «СІТА» і самыя розныя музыкі і танцоры з усёй краіны, ГА «Ахова птушак Бацькаўшчыны», а таксама чараўнікі-рамеснікі.
Цяпер чытаюць
У дзень пачатку Пецярбургскага эканамічнага форуму УСУ нанеслі дзясятак удараў па нафтавым тэрмінале ў порце горада і базе Балтфлота ў Кранштаце36
Каментары