Брытанскі мастак прадаў самую вялікую ў свеце карціну за $62 мільёны
Памер карціны брытанскага мастака Сашы Джафры «Падарожжа чалавецтва» эквівалентны чатыром баскетбольным пляцоўкам.
Фота The Guardian
Карціну прадалі ў аўторак за $62 мільёны на аўкцыёне ў Дубаі. «Падарожжа чалавецтва» складаецца з 70 сегментаў, агульная плошча якіх складае 1595 квадратных метраў.
Карціна трапіла ў Кнігу рэкордаў Гінэса як самая вялікая карціна на палатне, паведамляе The Guardian.
На напісанне карціны мастаку спатрэбілася 7 месяцаў. Саша Джафры хацеў прадаваць свой твор па сегментах, аднак дубайскі бізнэсмен прапанаваў за карціну ўдвая большую суму, каб набыць яе цалкам.
Усе грошы, атрыманыя за карціну, мастак збіраецца накіраваць у дабрачынныя арганізацыі, якія дапамагаюць дзецям.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары