«Беларусь гатова адмовіцца ад увозу ў Расію сухога малака ў другім і трэцім кварталах, паведаміла 15 чэрвеня міністр сельскай гаспадаркі Расіі Алена Скрыннік.
«Сёння паступіла вусная прапанова з боку беларусаў адмовіцца ад увозу ў Расійскую Федэрацыю сухога малака на два кварталы», — цытуе Скрыннік РІА Новости.
Паводле яе слоў, гэта прапанова для Расіі пазітыўная. «Гэта дасць магчымасць нашым сельгасвытворцам па адэкватных, прымальных цэнах прадаваць сваё малако, расійскае», — сказала міністр.
Нагадаем, 5 чэрвеня Расія і Беларусь скарэктавалі прагнозны баланс паставак беларускай малочнай прадукцыі ў РФ у 2009 годзе. Была дасягнутая дамоўленасць аб скарачэнні аб'ёмаў паставак сухога малака са 110 да 70 тыс. тон і аб павелічэнні паставак беларускага сыру і тварагу са 100 да 132 тыс. тон.
15 чэрвеня ў Маскве праходзяць кансультацыі па пастаўках беларускай малочнай прадукцыі ў Расію. Беларускі бок на перамовах узначальвае намеснік міністра сельскай гаспадаркі і харчавання Міхаіл Савельеў.
«У панядзелак прыедуць беларускія эксперты, і мы вызначымся з прыярытэтамі. Мы гатовы супрацоўнічаць, і гэтае супрацоўніцтва прапаноўвалася ўвесь час», — заявіў напярэдадні кіраўнік Расспажыўнагляда Генадзь Анішчанка.
Ён паведаміў, што згодна з прапановай расійскага боку 14 чэрвеня Беларусь падала спіс малочнай прадукцыі, якую вытворцы хацелі б пастаўляць у Расію.
Анішчанка нагадаў, што гэтым часам дзейнічае забарона на пастаўку ў Расію больш як 1.200 відаў беларускай малочнай прадукцыі; яшчэ 200 заявак «замарожаны» на этапе афармлення.
«Цяпер практычна ўся беларуская малочная прадукцыя юрыдычна не можа завозіцца на тэрыторыю Расіі, акрамя 51 віду прадукцыі, якія былі аформлены з ўсімі патрабаваннямі», — дадаў кіраўнік Расспажыўнагляда.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя11
Каментары