«Акадэмкніга» таксама спыніла продаж «Нашай гісторыі», «Дуду» і «Асцярожна: дзеці!»
Следам за дзяржаўнымі «Белсаюздрукам», «Белпоштай» і «Белкнігай».
Папулярная сталічная кнігарня «Акадэмкніга», якая належыць Акадэміі навук (старшыня прэзідыума Уладзімір Гусакоў, сакратар Аддзялення гуманітарных навук і мастацтваў Аляксандр Каваленя) таксама спыніла продаж часопісаў «Наша гісторыя», «Дуду» і «Асцярожна: дзеці!».
Гэта адбылося следам за разрывам супрацоўніцтва з дзяржаўнымі «Белсаюздрукам», «Белпоштай» і «Белкнігай». У кожнай структуры свая матывацыя адмовы, але адначасовасць паказвае, адкуль растуць ногі.
Напэўна, такім спосабам улады ціснуць на «Нашу Ніву». У выніку ж церпяць выдатныя беларускамоўныя часопісы, чытачы абураныя дзеяннямі ўладаў, а дзяржаўныя распаўсюдніцкія структуры губляюць рэпутацыю і грошы.
Каб вы ўявілі памер фінансавых страт для іх: «Акадэмкніга» за першыя 4 дні продажу новага нумара прадала 147 асобнікаў, «Белсаюздрук» штомесяц на продажы толькі «Нашай гісторыі» зарабляў бы каля 3500 рублёў і г. д.
Нагадаем, што на 5-ы і 6-ы месяцы на выданне яшчэ можна падпісацца праз «Белпошту», а на другое паўгоддзе падпіска ўжо будзе праз Рэдакцыю, і мы самі будзем развозіць часопіс падпісчыкам.
Чытайце ж па-беларуску. Чытайце разумныя выданні, якія развіваюць вас і вашых дзяцей інтэлектуальна і эстэтычна.
Мікола Ермаловіч, які вярнуў беларусам ВКЛ. Новы нумар «Нашай гісторыі» і дзе яго купіць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары