Суд прысяжных прызнаў былога паліцэйскага з горада Мінеапаліс Дэрэка Шовіна вінаватым у ненаўмысным забойстве афраамерыканца Джорджа Флойда, паведамляе meduza.io.
Шовіна прызналі вінаватым па ўсіх трох пунктах абвінавачвання.
Самы цяжкі з іх — ненаўмыснае забойства другой ступені — прадугледжвае да 40 гадоў пазбаўлення волі.
Прысуд вынесуць прыкладна праз восем тыдняў. Сам ён не прызнаў віну і адмовіўся даваць паказанні ў судзе.
Джордж Флойд быў забіты ў Мінеапалісе ў маі 2020 года. Яго спрабавалі затрымаць па падазрэнні ў выкарыстанні падробленай 20-даляравай купюры. Пры затрыманні Дэрэк Шовін больш за восем хвілін утрымліваў калена на шыі Флойда, хоць той неаднаразова паўтараў, што не можа дыхаць.
Смерць Флойда справакавала пратэсты супраць расізму і паліцэйскага гвалту спачатку ў Мінеапалісе, потым у астатніх гарадах ЗША, а затым і ў іншых краінах свету.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі1
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4646
Каментары