Ціханоўская разам з амбасадарамі Літвы, Польшчы, ЗША наведалі «Базыльянскія муры» ў Вільні
Святлана Ціханоўская разам з пасламі Літвы, Польшчы, ЗША, а таксама віцэ-міністрам замежных спраў Літвы Мантасам Адаменасам наведалі «Базыльянскія муры», паведамляе яе прэс-служба
«Базыльянскія муры» — гэта быў інтэлектуальны цэнтр, а таксама самы буйны беларускі асяродак у Вільні ў міжваенны перыяд. Менавіта тут месціліся Віленская беларуская гімназія і Беларускі музей.
Ціханоўская і паслы таксама зайшлі ў грэка-каталіцкую Свята-Троіцкую царкву і наведалі келлю Конрада, таксама вядомую як келлю Адама Міцкевіча, дзе Адам Міцкевіч у пачатку 1820-х знаходзіўся ў вязні, чакаючы свайго судзебнага прысуду па справе філаматаў і філарэтаў. Там ён сядзеў з выбітным беларуска-польска-літоўскім дзеячом Ігнаціем Дамейкам.
Ціханоўская адзначыла: «Міцкевічу тады было ўсяго 25 гадоў. І, заходзячы ў келлю, я думала пра дзяўчатак і хлопцаў, якія ў гэты момант сядзяць у цесных і цёмных камерах. Сотні беларусаў знаходзяцца ў турме па палітычных матывах, і ўсе яны — нашы сучасныя героі. Мы павінны зрабіць усё, каб вызваліць і рэабілітаваць іх».
Ціханоўская з пасламі ўсклалі кветкі на ўваходзе ў беларускую гімназію, якая знаходзілася тут у пачатку ХХ ст., перад шыльдамі класікам беларускай літаратуры Максіму Гарэцкаму і Наталлі Арсенневай.
Потым дыпламаты запалілі свечкі перад абразом Маці Божай Астрабрамскай, якую шануюць і каталікі, і праваслаўныя.
-
Прапагандысты паказалі моцна схуднелага Васіля Верамейчыка
-
Стала вядома, хто атрымаў жыллё ў «сакрэтным» доме пад Драздамі. Сярод іх — сілавік, які «вызначыўся» ў 2020 годзе
-
Дактары з Украіны і Беларусі з цяжкасцю здаюць польскі медыцынскі экзамен. Праўда, палякі з замежным дыпломам спраўляюцца не лепш
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі15
Каментары