Тэрыторыі ўсіх мінскіх могілак прыведзены ў парадак і гатовыя да масавых наведванняў. Пра гэта, як перадае агенцтва «Мінск-Навіны», паведаміў на пасяджэнні рабочай групы Мінгарвыканкама па пытанні ўтрымання і добраўпарадкавання тэрыторый сталіцы дырэктар УП «Спецкамбінат КБА» Мікалай Ракевіч.
— За зіму мы адрамантавалі амаль 200 кантэйнераў для адходаў, мінулым летам уладкавалі 25 новых кантэйнерных пляцовак з цвёрдым пакрыццём. Гэтыя працы працягнуцца і ў гэтым годзе, запланавана зрабіць яшчэ 30 пляцовак. Падрыхтавана смеццепрыбіральная тэхніка, дадаткова ў 2021-м будзе закуплены яшчэ адзін кантэйнеравоз для вывазу буйнагабарытных ёмістасцяў для адходаў, — распавёў Мікалай Ракевіч.
Для зручнасці людзей, якія жадаюць прывесці ў парадак магілы блізкіх, на ўсіх могілках ёсць пункты пракату гаспадарчага інвентара — рыдлёвак, грабель, вёдраў і інш. На шасці буйных могільніках маюцца электронныя тэрміналы, якія дапамогуць пры неабходнасці знайсці па імі і прозвішчы месца пахавання чалавека.
Дырэктар Спецкамбінат КБА дадаў, што за кошт сродкаў прадпрыемства ў канцы мінулага і ў гэтым годзе на асноўных могілках усталяваная сістэма відэаназірання. Колькасць камер будзе павялічвацца. Гэта дапаможа больш эфектыўна кругласутачна кантраляваць грамадскі парадак у месцах пахавання, дзейнасць персаналу, рух транспарту па тэрыторыі і інш.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары