Вэб-дызайнер з Аргенціны Нікалас Курона набыў даменнае імя Google.com.ar усяго за 3 даляры, у выніку чаго 21 красавіка на тэрыторыі ўсёй краіны пошукавая сістэма Google не працавала некалькі гадзін.
Па словах Нікаласа Курона, 21 сакавіка ён зайшоў на сайт Nic.ar, дзе прадаюцца дамены, і заўважыў там мясцовы дамен Google. Нікалас адразу ж набыў яго прыкладна за 3 даляры, паведамляе BBC.
У сваіх дзеяннях аргенцінец не бачыў ніякага парушэння закону, але думаў, што ў яго цяпер будуць праблемы. Пра сваю паспяховую пакупку Нікалас напісаў у Twitter.
Супрацоўнікі Google хутка адрэагавалі на твіт, і доступ да аргенцінскай старонкі пошукавай сістэмы ўдалося вярнуць праз некалькі хвілін. Як менавіта кампаніі ўдалося прыйсці да пагаднення з Нікаласам, не паведамляецца.
Адно з тлумачэнняў гэтай сітуацыі ў тым, што супрацоўнікі Google, верагодна, забыліся працягнуць тэрмін дзеяння ліцэнзіі на дамен, у выніку чаго даменнае імя выставілі на продаж. Аднак у кампаніі пераконваюць, што гэта не так, а тэрмін дзеяння ліцэнзіі скончыцца толькі сёлета ў чэрвені.
Іншая версія — магчыма, у працы аргенцінскага сайта Nic.ar адбыліся тэхнічныя праблемы, праз якія дамен Google быў выстаўлены на продаж. Пакуль кампанія расследуе дакладныя абставіны інцыдэнту.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары