У Францыі 15 валанцёраў дзеля эксперыменту 40 дзён жылі ў пячоры без тэлефонаў і гадзіннікаў
У суботу, 24 красавіка, група валанцёраў выйшла з пячоры пасля 40 дзён ізаляцыі ў межах эксперыменту.
Група валанцёраў ва ўзросце ад 27 да 50 гадоў узяла ўдзел у эксперыменце, каб даследаваць межы адаптацыі чалавека да ізаляцыі. Усе ўдзельнікі адмовіліся ад тэлефонаў, гадзіннікаў, сонечнага святла і сувязі са знешнім светам і змянілі сучасны камфорт на пячору з пастаяннай тэмпературай 12°C і 95-адсоткавай вільготнасцю.
Удзельнікі мусілі самастойна выпрацоўваць электрычнасць з дапамогай ровара і здабываць ваду з калодзежа на глыбіні 45 метраў пад зямлёй.
Заснавальнікі эксперыменту перакананыя, што такі досвед дапаможа праверыць здольнасць людзей адаптавацца да экстрэмальных умоў. Гэтыя пытанні сталі асабліва актуальнымі, калі людзі сутыкнуліся з ізаляцыяй падчас пандэміі каранавіруса.
Навукоўцы прааналізавалі звесткі мазгавой актыўнасці ўсіх удзельнікаў перад тым, як яны спусціліся ў пячору, каб потым вымераць іх пасля 40-дзённай ізаляцыі і параўнаць паказальнікі. Эксперты адзначаюць, што ў эксперыменце не было кантрольнай групы, што з’яўляецца неабходным кампанентам у навуковых даследаваннях.
Як апісваюць французскія журналісты, большасць удзельнікаў выглядалі здаровымі, але бледнымі. Многія з іх пасля казалі, што былі гатовыя правесці ў пячоры яшчэ некалькі дзён.
У гарах Кыргызстана з дрона адшукалі целы зніклых беларускіх альпіністаў8
Каментары