Магілёвец узяў у арэнду Range Rover коштам $26 тысяч, а затым прадаў яго за $3,5 тысячы
24-гадовы жыхар Магілёва ў лютым заключыў з ІП дамову на пракат Range Rover, коштам больш за 66 тысяч рублёў (гэта каля 26 тысяч даляраў).
Праз месяц мужчына прадаў гэты аўтамабіль за 3,5 тысячы даляраў, патлумачыўшы пакупніку, што аўтамабіль належыць ягонай сястры. Ён перадаў транспартны сродак, неабходныя дакументы і абавязаўся ў набліжэйшы час перааформіць яго на сябе для заключэння дагавора. Далей аўтамабіль перапрадалі за такую ж суму пакупніку з Расіі, паведамляе СК.
Калі мужчына перастаў аплачваць арэнду аўтамабіля, прадстаўнік прадпрымальніка звярнуўся ў міліцыю.
Заведзена крымінальная справа па ч. 4 арт. 209 (Махлярства, учыненае паўторна, у асабліва буйным памеры) Крымінальнага кодэкса. Мужчына затрыманы.
Вядома, што раней ён быў неаднаразова асуджаны за маёмасныя злачынствы.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары