У Жодзіне дзіця захрасла ў пральнай машыне. Ратавальнікі вызвалілі хлопчыка без спецыяльнага інструмента
У Жодзіне дапамога ратавальнікаў спатрэбілася дзіцяці, чыя нага захрасла ў барабане пральнай машыны, паведамілі ў прэс-службе МНС.
Інцыдэнт здарыўся ўвечары 18 мая. Па дапамогу звярнулася мама дзіцяці. Калі ратавальнікі і медыкі прыбылі на месца, нага дзіцяці знаходзілася ў заблакаваным становішчы ўжо каля 20 хвілін.
— Хлопчык нерваваўся, але не панікаваў. Гутарылі з ім, аказваючы псіхалагічную дапамогу, — распавёў начальнік пажарнага аварыйна-выратавальнага паста №13 старшы лейтэнант унутранай службы Сяргей Фёдараў. — Для таго каб зняць напружанне з нагі, мы прыпаднялі яго над падлогай. У такім становішчы калена змагло прасунуцца глыбей і дазволіць нам падціснуць ступню, што, у сваю чаргу, дало ход назе.
Дзіця вызвалілі без прымянення спецыяльных сродкаў. Медыцынская дапамога не спатрэбілася.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары