Арабская жанчына атрымала донарскую нырку яўрэя, які загінуў падчас апошняга канфлікту ў Ізраілі
Сям’я загінулага падчас беспарадкаў у ізраільскім горадзе Лод ахвяравала яго органы пяці пацыентам, адна з якіх была жанчына арабскага паходжання.
58-гадовая Ранда Авіс чакала трансплантацыі ныркі дзевяць гадоў. Донарам для яе стаў 56-гадовы Ігаль Іегашуа, які загінуў на мінулым тыдні ад удару цаглінай падчас начных беспарадкаў у горадзе Лод, што недалёка ад Тэль-Авіва, паведамляе The Independent.
Пра тое, каму належыла нырка, Ранда Авіс даведалася са СМІ. Пасля аперацыі яна сказала: «Я дзякую сям’і Ігаля. Ён стаў часткай маёй сям’і».
Пра баявыя дзеянні, якія адбываліся ў Ізраілі, Ранда Авіс сказала: «Усё жыццё я жыла з яўрэямі, і такога ніколі не было. Мне балюча за маленькіх дзяцей, якія пацярпелі ў гэтай вайне. Паміж намі мусіць быць мір».
Дачка Ранды Авіс адзначыла: «Жахліва тое, што гэта зрабілі арабы. І мы арабы. Гэта немагчыма апісаць».
Па словах дачкі, яны будуць рады пазнаёміцца з сям’ёй Ігаля. «Мы спачуваем ім, мы супраць любых забойстваў, мы хочам аддзячыць ім за тое, што яны зрабілі дзеля нас».
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары