Колькасць загінулых падчас ультрамарафону ў паўночна-заходняй правінцыі Ганьсу ў Кітаі павялічылася да 21, ратавальнікі выявілі цела апошняга са зніклых удзельнікаў забегу, піша ТАСС са спасылкай на Global Times.
Восем чалавек атрымалі лёгкія траўмы.
Забег па перасечанай горнай мясцовасці на 100 км пачаўся раніцай у суботу недалёка ад горада Баінь. Падчас яго адбылося рэзкае пагаршэнне надвор'я, падрабязнасці не ўдакладняюцца.
Паводле звестак ратавальнага штаба днём у суботу на высакагорным этапе ультрамарафону пачаліся парывы шквальнага ветру і пайшоў град. Удакладняецца, што тэмпература цела ва ўдзельнікаў знізілася, яны адчулі дыскамфорт. Забег быў прыпынены.
Мясцовыя ўлады скіравалі на пошукі зніклых каманду з 700 ратавальнікаў. У марафоне бралі ўдзел 172 чалавекі, 151 з іх эвакуіраваныя з дыстанцыі, іх стан стабільны.
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
-
Кітай абвясціў пра спецыяльную ваенна-марскую аперацыю паблізу Тайваня
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай32
Каментары