Кыргызская авіякампанія Avia Traffic Company запускае прамыя рэгулярныя палёты па маршруце Бішкек — Мінск з 25 чэрвеня.
Фота з сайта airport.by
Пра гэта паведамляецца на сайце мінскага аэрапорта.
Палёты будуць выконвацца двойчы на тыдзень па аўторках і пятніцах на Airbus A-320.
У аўторак вылет з Бішкека ў 6.50 (па мясцовым часе) з прылётам у Мінск у 8.55, а зваротны рэйс з Мінска адправіцца ў 10.25 з прыбыццём у Бішкек у 18.30 (па мясцовым часе).
У пятніцу вылет з Бішкека ў 17.40, прылёт у Мінск у 19.35, а зваротны рэйс адправіцца з Мінска ў 21.05 з прыбыццём у Бішкек у 5.15.
Палёт будзе доўжыцца 5 гадзін 5 хвілін.
Каментары